Жұлдыз Әбділдә

Жұлдыз Әбділдә – журналист. 1979 жылы 24 желтоқсанда Алматы облысында дүниеге келген.

2000 жылы әл-Фараби атындағы Қазақ Ұлттық Университетінің журналистика факультетін, 2002 жылы осы факультеттің магистратурасын тәмамдаған.

1997-99 жж «Қазақ Университеті» журналында тілші, 2000-2002 жж. «Түркістан» газетінде тілші, 2002 жылы «Жас Алаш» газетінде жауапты хатшы, бас редактордың орынбасары болды. «Алқа» журналында және «Өлке» баспасында қызмет еткен және Қазақстан Ұлттық телеарнасының штаттан тыс редакторы қызметтерін атқарады.

2013 жылдың қаңтар айынан бастап алдымен «Жас өркен», кейін «Қазақ газеттері» серіктестігінде бас директордың орынбасары, 2020 жылдың желтоқсан айынан бастап 2024 жылдың ақпан айына дейін республикалық балалар мен жасөспірімдерге арналған «Ұлан» газеті бас редакторының орынбасары.

2017 жылы Қазақстандағы алғашқы фактчек платформасы  Factcheck.kz редакторы болған.

2005 жылдан бастап MediaNet халықаралық журналистика орталығында медиатренер. «Практикалық журналистика 3.0.» оқу құралы авторларының бірі. 2016-17 жылдары – Сүлейман Демирел университетінің оқытушысы.

Медиа және ақпараттық сауат, мультимедиа, отарсыздық тақырыбындағы бірнеше кітаптың редакторы.   

Журналист, медиатренер. «Власть» интернет журналының қазақ бөлімінің редакторы.

Қазақстан Журналистер одағы сыйлығының лауреаты (2004);

Сорос-Қазақстан қоры грантының иегері (2006);

Алтынбек Сәрсенбайұлы атындағы сыйлықтың иегері (2007).