Тион бактериялары
Тион бактериялары (грек. theіon – күкірт) – күкірттің тотығуынан және оның тотықсызданған бейорганикалық қосылыстарынан қуат алатын күкірт бактериялары. Тион бактерияларының ерекше белгісі жасушалар ішінде молекулалық күкіртті (S2) түзуге қабілеттілігі болып саналады. Бұлар ұсақ, таяқша тәрізді, көпшілігі қозғалмалы бактериялар, спора түзбейді. Қышқылдық ортаға төзімді (рН 6,0 – 10,0), галофильді штаммы болады. Температура 28 – 30°С болғанда жақсы өседі. Тион бактерияларының арасында облигатты хемолитоавтотрофтар (Т. thіoparus, Т. thіooxіdans, т.б.) және автотрофты, гетеротрофты, миксотрофты өсетін факультативті хемолитоавтотрофтар кездеседі. Тион бактериялары күкірттің әртүрлі тотықсызданған қосылыстарын (сульфаттар), молекулалық күкіртті (S2), тиосульфатты және политионаттарды тотықтырады. Тион бактериялары темірдің шала тотығы тұздары мен бірқатар органикалық қосылыстарды да тотықтырады. Бұл бактериялар су қоймаларында, топырақта, кен орындарында жиі кездеседі. Тион бактерияларының тіршілігімен кентастардан, тау жыныстарынан және концентраттардан алынатын металдарды бактериялық жолмен сілтісіздендіру, металдардың аэробты таттануы, бетонды құрылымдардың бүлінуі байланысты болады. [1]
Дереккөздер
[өңдеу | қайнарын өңдеу]- ↑ Қазақ ұлттық энциклопедиясы, 18 том
![]() | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
![]() | Бұл мақаланы Уикипедия сапа талаптарына лайықты болуы үшін уикилендіру қажет. |
![]() |
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |