MAŃǴYSTAÝ (телеарна)

MAŃǴYSTAÝ
«Қазақстан» РТРК» АҚ Маңғыстау облыстық филиалы
Ел	Қазақстан
Хабар тарату аумағы	Маңғыстау облысы
Хабар тарату уақыты	14 сағат
Хабар тарату тілдері	қазақша, орысша
Басқару орталығы	Ақтау, 24 ықшам аудан, 8
Бейне форматы	16:9
Арнаның тақырыптамалары	әмбебап
Хабар таратуын бастады	15 тамыз 1970 жыл
Иесі	«Қазақстан» РТРК» АҚ
Директоры	Ануарбек Бимағамбет
Бұрынғы атаулары	Қазақстан-Ақтау
Сайт	mangystautv.kz

MAŃǴYSTAÝ — Маңғыстау облысындағы жергілікті телеарна. 1970 жылы 15 тамыздан Шевченко телестудиясының алғашқы көрсетілімімен басталды. Мекеме 2003 жылдан бері «Қазақстан» РТРК» АҚ Маңғыстау облыстық филиалы деп аталады.

Телеарна облыс аумағын 100 % қамтиды. «Отау ТВ» арқылы республика және жақын шет елдерге де тарайды.

Бүгінде телеарна тәулігіне 14 сағат, «Маңғыстау» радиосы 100.1 FM желісі арқылы тәулігіне 2 сағат хабар таратып отыр. Жаңаөзен қаласында өкілдігі бар, «Jańaózen» арнасы тәулігіне 6 сағат хабар таратуда.

Орналасқан жері

Телеарна қала орталығындағы 24 шағын-ауданда орналасқан. Ғимараттың 1-қабатындағы студия маңында тақырыптық бағдарламалар редакциясы, инженерлік бөлім сондай-ақ, хабарландыруларға тапсырыс қабылдау нүктесі және шаруашылық бөлім орналасқан. Ғимараттың екінші қабатында арна әкімшілігі, эфир қызметі бөлімі, жарнамалық және ақпараттық бөлім, ақпараттық редакция, бейнемұрағат, монтаж жасау кабинеттері орналасқан. Арна қызметкерлерін ғаламтор желісі жалғанған компьютерлермен қамтамасыз етілген.

Телеарнада 100-ден аса қызметкер еңбек етеді. Нұрсұлтан Әбішұлы Назарбаев арнаны алғыс хатпен марапаттады. Халық қауіпсіздігі комитеті ұйымдастырған «Біздің қауіпсіздігіміз - біздің қолымызда» байқауында арна І-орынды иеленді.

Бағдарламалар Ақтау қаласындағы ТПС 1000 арқылы тарайды, аудитория маштабы 500 мыңды құрайды. Эфирге 29 ақпараттық-сараптамалық, қоғамдық-әлеуметтік, әдеби, тарихи-танымдық бағдарламалар эфирге шығып жүр.

Тарихы

1970 жыл шілде айында Гурьев облысы бойынша Шевченко телеарна студиясы мен Шевченко телевизиялық орталығы құрылды. Телевизиялық орталықтың 100 шаршы метрді құрайтын студиясында екі дана ғана телевизиялық КТ-17 камерасы болды. В.И. Лениннің 100 жылдығына орай, алғаш сынақтама бағдарлама эфирге шықты. 15-тамызда Шевченко телестудиясының алғашқы бағдарламасы көрерменге жол тартты.

1972 жылы 28-желтоқсанда Гурьев облысының Шевченко телевизиялық орталығы Гурьев облысының Шевченко радиотеле орталығы деп өзгертілді. Маңғышлаққа 4 500 шақырымды қамтитын республикалық бағдарлама көрсетілді.

1973 жылы 20-наурызда Шевченко телеарна студиясының жанынан Маңғышлақ облыстық телерадио комитеті құрылды. 3-мамырда алғашқы радиобағдарлама эфирге шықты. Уақыт өте келе «Буря» радиостанциясы жөндеуден өткізілді. 25 000 Вт қуаттылықпен радио торабы шет аймақтарды да қамтып отырды.

1974 жылы 5-наурыздан бастап, Орталық телевизияның алғашқы барлық маусымдық бағдарламаларын қабылдайтын «Орбита» коммерциялық байланыс станциясы іске қосылды.

1974 жылы Алғашқы «Электрон» бейнемагнитофоны пайда болды.

1978 жылы құрылған телерадио комитет Маңғышлақ облысының телевизия және радиохабарлар комитеті деп өзгертілді.

1986 жылы Апараттық-стуия кешенінде түрлі-түсті хабар тарату жабдығы орнатылды.

1990 жылы Маңғыстау облысының құрылуына байланысты, 1 қазаннан бастап комитет Маңғыстау облыстық ТВ және РВ комитеті деп өзгертіліп, тәулігіне ТВ 1 сағат, РВ 1,5 сағат хабар таратты.

1992 жылы Маңғыстау облыстық комитетінің қайта құрылуына орай ТВ және РВ сондай-ақ Маңғыстаулық радиотеле орталық біріктірілді.

1994 жылы ТВ және РВ Маңғыстау комитеті, Маңғыстау облыстық телерадиокомпаниясы деп өзгертілді.

Бағдарламалар

• «Сәлем, Маңғыстау!» таңғы ақпаратты-сазды бағдарламасы
• «Дидар» жаңалықтар қызметі
• «Бір жеті» апталық сараптамалық бағдарламасы
• «Төрлетіңіз»
• «Сөздің қысқасы...»
• «Менің құқығым»
• «Еңбек адамы»
• «Елге қызмет»
• «Заң ортақ»
• «В рамках закона»
• «Әкім»
• «Менің Маңғыстауым»
• «Бірінші байлық»
• «Еңбек адамы»
• «Құтқарушы»
• «Айтарым бар...»
• «Есть что сказать»
• «Дін мен дәстүр»
• «Бір құжат»
• «Сөз бен саз»
• «Өркен»

Сыртқы сілтемелер

• http://mangystautv.kz
• http://mangystautv.kz/kz/category/channel Мұрағатталған 8 тамыздың 2014 жылы.
• http://mangystautv.kz/kz/news
• http://mangystautv.kz/kz/programs/index/programs Мұрағатталған 8 тамыздың 2014 жылы.
• http://mangystautv.kz/kz/programs/live Мұрағатталған 8 тамыздың 2014 жылы.