Гүлжан Ізімқызы Талпақова

Гүлжан Ізімқызы Талпақова
Туған күні	12 қыркүйек 1948 (1948-09-12) (75 жас)
Туған жері	Атырау, Гурьев облысы, Қазақ КСР
Азаматтығы	КСРО →  Қазақстан
Қызметі	биші, балетмейстер, мұғалім
Марапаттары мен сыйлықтары

Гүлжан Ізімқызы Талпақова (12 қыркүйек, 1948 жыл, Атырау, Гурьев облысы, Қазақ КСР) - биші, Қазақстан халық әртісі (1981).

Өмірбаяны

• 1967 ж. Алматы эстрада-цирк өнері студиясы (Ш.Жиенқұлованың халық биі класы бойынша) бітірген.
• 1977-79 ж. Мәскеу эстрада студиясында тәжірибе жинақтаудан өтті.
• Шығармашылық жолын "Қазақконцертте" (1967 - 69) бастайды.
• 1969-73 ж. "Гүлдер" ансамблінде қызмет етті.
• 1973 жылдан "Қазақконцерттің" биші-артисі.

Сахнадағы өнері

Талпақова дүние жұзі халықтарының көпшілігінің билерін үйреніп, қазақ сахнасына шығарды. Оның репертуарында қазақтың "Айжан қыз", "Қос Алқа", "Алмас қырғауыл", өзбектің "Хорезм биі" және ұйғыр, корей, вьетнам, моңғол, үнді, мысыр, малай, т.б. халықтардың ұлттық билері бар.

Гастрольдік сапарлары

Гастрольдік сапармен Болгарияда, Германияда (1968), Моңғолияда (1973, 1975, 1977), Оңтүстік-Шығыс Азия елдерінде (Бирма, Малайзия, Сингапур, Шри-Ланка - 1973, 1974), Үндістанда, Жапонияда, Иранда, Таиландта (1975), Финляндияда (1977), АҚШ-та (1981), т.б. елдерде болды.

Жетістіктері

• 1968 ж. София қаласында өткен Жастар мен студенттердің дүниежүзілік фестивалінің лауреаты.